• January 18, 2024
  • Lirik Lagu
KEE No. 31 - Adilah Tuhanku



1. Adilah Tuhanku,
Si metehsa e.
Adi Ia kap temanku,
‘Di ku inget Ia pe.
La lit kesusahen,
Tapi keleng ate keriahen.

2. Adilah Tuhanku,
Si metehsa e.
Lanai gia kai pe bangku,
Ngikut aku lalap pe.
Kalak senang gia,
Labo leja ‘kurku kerna Ia.

3. Ja me kap Tuhanku,
Je inganku pe.
PemereNa je man bangku,
Lalap kerajangku e.
Daten kesenangen,
Kegelapen jadi terang kapen.


Kitab Ende-Endeen GBKP
  • January 18, 2024
  • Lirik Lagu
KEE No. 30 - Ibabo Doni La Lit Kap



1. Ibabo doni la lit kap,
Man bangku ingan si tetap,
Bagi kesilang aku jenda.
Erdalin aku langa seh,
Iajar Tuhanlah kuteh.
Inganku labo doni enda,
Kesilang gia aku je,
Inganku tuhu surga e.

2. Sung la teridah langit kap,
Sung matawari pe gelap,
Ban itamburi embun t’rangna.
Maun udan mekelek meder,
I lau mbelin menam geder.
Megati pe keri serana,
Melungun sung pe dalin e,
E maka mesera kal je.

3. Aminna mesera kal je,
La kurang ibas dalin e,
Perkuah ate Dibatanta.
I darat gia mesera,
I bas iapul Tuhan ka.
Pengapul e la kurang banta,
Meriah ras Tuhanta e,
Si naruh kap ku surga pe.


Kitab Ende-Endeen GBKP
  • January 18, 2024
  • Lirik Lagu
KEE No. 29 - Ola Mbiar O Tendingku



1. Ola mbiar o tendingku,
Dibatanndu Raja kap.
Kai pe salih i doni enda,
Tuhan saja kap si tetap.

2. Kita jelma mbue ukur,
Ninta banta mesera.
K’rajang kalak mengga ateta,
Kenca dat lanai ngena.

3. Ola mbiar o, tendingku,
Babalah k’rajangndu e;
Ku Dibatalah ukurndu,
Lanai ate ndele


Kitab Ende-Endeen GBKP
  • January 18, 2024
  • Lirik Lagu
KEE No. 28 - Bagi Belkih Kenca Luah



1. Bagi belkih kenca luah,
E ndarami lau me kap.
Bage pe tendingku enda,
Ndaram tuah si tetap.
O, Bapangku ndigan kin,
Banci aku reh pagin,
Ngadap i lebe-lebeNdu,
Janah ngidah t’rang ayoNdu.

2. O, tendingku ngkai kam ceda,
Ngkai makana ndele?
Arap bagi mbaru enda,
Puji ka Tuhanndu e.
Sabab kekelengenNa,
‘Rbanca maka mesera.
Pagi salih jadi tuah,
Puji Bapa si mekuah.

3. Tuhan kin si masangkenca,
Em kap kinitekenndu.
Nggit nge aku mbelaskenca,
Ibas ‘nde-endenku.
Sangana mbages berngi pe,
Aku muji Tuhan e.
Tah kugapa kerajangku,
Ku Dibata pertotonku.


Kitab Ende-Endeen GBKP
  • January 18, 2024
  • Lirik Lagu
KEE No. 27 - Ajar Aku O, Bapangku



1. Ajar aku o, Bapangku,
Ngikut saja penaruhNdu,
Ngarap baNdu si tetap,
Janah rende i gelap.
Janah dengkeh ajarenNdu,
Ras megiken pedahNdu.
Kuteralah dungna nge,
Sinik bagi anakNdu e.

2. Ajar aku o, Bapangku,
Picet gia kerajangku.
Ola ateku min ndele,
Tapi tek padanNdu e.
Ajar aku nungsang dosa,
Rusur aku me mindosa.
O, Dibata si nggeluh,
Ban ukurku min teguh.


Kitab Ende-Endeen GBKP
  • January 18, 2024
  • Lirik Lagu
KEE No. 26 - O, Tuhanku Ajar Aku



1. O, Tuhanku ajar aku,
Arah Kata ras Kesah.
Maka kueteh rananNdu,
Janah kuikutkenlah.
Aku min taruhken Kam,
Arah dalin simehuli.
Kupimai lalap Kam,
E maka aku iapuli.

2. Kekelengen Dibatanta,
La ersibar la ‘rkerin.
Amin papak gia kita,
TuduhkenNa dalin kin.
Kalak itaruhkenNa,
Adi lembap me ukurna.
Ukum iajarkenNa,
Man si nembah rusur baNa.

3. Singikutken Dibatanta,
Daten kerembakenNa.
T’rang ibassa pedah, kata,
Padan ipadankenNa.
Mata ukur nare kap,
Lah kuidah Dibatangku.
E si naruh si tetap,
Si nuduhken dalin bangku.


Kitab Ende-Endeen GBKP
  • January 18, 2024
  • Lirik Lagu
KEE No. 25 - Kam Kukelengi Tuhan Si Tetap


1. Kam kukelengi Tuhan si tetap,
Megati ibegi Kam pertotonku,
La leja Kam ndengkehken pemindonku,
Nggit Kam nampati aku i gelap.

2. Sangana aku i kiniseran,
E minter ialemi Kam ateku.
Kuakap ntabeh malem me ateku,
La aku ‘rbanca, tapi Kam Tuhan.

3. O, Bapa alu pendahin kai kin,
Kubalas k’rina pemereNdu bangku ?
E kidekah geluhku ‘bas rumahNdu,
Kusehken baNdu ‘nde-nden pujin.

4. E tutus min ukurku e ku Kam,
Geluhku kuendesken ibas tanNdu.
Kutera pe kuarap saja baNdu,
Penalemenku ras Bapangku kam.



Kitab Ende-Endeen GBKP


  • January 18, 2024
  • Lirik Lagu
KEE No. 024 - Dibatalah Si Pekenasa


1. Dibatalah si pekenasa,
Ia si arap gelah min.
Sabab ‘di iadi mekelesa,
Lit kecion ibasSa kin.
‘Di tek ngenehen Bapa ndai,
Kai naring kebiarta e?

2. E mbiar pe la lit gunana,
‘Di jungut-jungut pe bage.
Tah tangis gia ‘ban serana,
La kal kepe terakap e.
Adina reh pe percuban,
Totonku baNalah kuban.

3. E lit nge sada dalin ngenca
Ku Tuhan ukurndu e.
Adi meling ibas geluhta,
IsampatiNa kam kepe.
‘Di kinitekenndu tetap,
Jujuren Tuhan si gejap.

4. Dagina pegedang atendu,
Ukurndu nuhit ku dahin.
Kuga pe malem me atendu,
Megenggenglah, ertoto min.
‘Di tare ku Bapanta ‘das,
Lit lalap kap Temanta ras.


Kitab Ende-Endeen GBKP
  • January 18, 2024
  • Lirik Lagu
KEE No. 23 -O, Bapa La Terimpit Kam


1. O, Bapa la terimpit Kam,
I das i doni e pe lang.
Kam saja si ateku ngena,
La lit si deban si erbanca.
Makana malem mesera,
Tah picet entah kutera.
Kam lalap pematangku kin,
K’rajangku la ‘rkeri-kerin.

2. Endekenlah ku Kam dage,
‘Di mbiar aku tah ndele.
Kam si meparas ikelengi,
Sabab sangana tengah berngi,
Nggo itegu Kam aku kap,
Naruhken aku idur g’lap.
Ku dalin mekelek senang,
Kuidah je ayoNdu t’rang.



Kitab Ende-Endeen GBKP

  • January 18, 2024
  • Lirik Lagu
KEE No. 22 - Idas Deleng Dibata




1. Idas deleng Dibata,
Teruh I laut kepe.
Ku japa lawes kita,
I je Dibata pe.
Di kabang ukur gia,
Tah ndauh ndeher e.
Teruh i datas Ia,
Dibata japa pe.

2. Tetap me kap mataNa,
Ngenehen k’rina nge.
Si ngikut perkatanNa,
IsampatiNa e.
JujurenNa terakap,
Ibas si turah kin.
Asa nggeluh me lalap,
Pujiken Tuhan min.

3. Si lit ‘bas awang-awang,
Si muit ibas lau.
Si njoler ras si kabang,
Si ndeher ras si ndauh.
Tah matawari, bulan,
Ras bintang si terang.
Pujina naring Tuhan,
Ban ate si senang.

4. Tek K’risten japa gia,
Dibata me kepe.
Di picet je kap Ia,
Di susah nampat pe.
Penampat kalak kurang,
Dibata ndeher e.
K’rajangta ‘banNa nahang,
Dibata japa pe.
  • January 18, 2024
  • Lirik Lagu
KEE No. 21 - O, Tuhan Si Erkuah Ate




1. O, Tuhan sierkuah ate,
Man kami si perdosa e.
Ipuji kami me GelarNdu,
Perban liasNdu mbelin e.
Dengkehken sora kami e,
Begiken toton kami pe.

2. Ibahan Kam kap purpursage,
Nasapken dosa kami e.
Em kap erbahan penangtangen,
Man kami si tertaban e.
Ermengkah ate baNdu e,
O, Tuhan Bapa kami e.

3. Reh kap pe Kesah Si Badia,
Isuruh Kam ku kami ka.
Peteguh kiniteken kami,
Kami si nggo ipilih Kam.
Perban si e seh baNdu nge,
Pujin ras sembah kami e.

4. Isehken kami bujur baNdu,
O, Tuhan o, Dibatangku.
Labo ateNdu kami bene,
Tapina gelah terkelin.
Petetap ukur kami e,
Aminna masap doni e

5. Tah kematen tah kegeluhen,
Tah sui ate susah pe.
Labo terbanca kami sirang,
Ras lias ateNdu Tuhan.
Tapina Kam m’re gegeh e,
Menang me tuhu aku pe.


  • January 16, 2024
  • Lirik Lagu

Reh kam min, reh kam min


1.Reh kam min, reh kam min!
Dahi Tuhan si Tuhan si mbelin
B’reken baNa ras pujin
Dahi min, Dahi min

2.Inget min, inget min!
Ngaruh Tuhan bandu kin
pemereNa la ‘rkerin
Inget min, inget min
Inget min 

3.Pindo min,pindo min! Pasu-pasu
Tuhan kin Sangap kam
ibas dahin Pindo min,
pindo min Pindo min


  • January 16, 2024
  • Lirik Lagu

Jujuren Tuhan bujur me


1.Jujuren Tuhan bujur me
Mehuli perbahan Na
La mbiar aku pe bene
Geluhku ibas tanNa
Di mesera entah kuga
La picet pe kuakap
Dibata Raja lalap

2. Jujuren Tuhan bujur me
kataNa banci iarap
DalinNa pinter me kepe
Meriah me kuakap
‘Di latih tah lanai ‘rkesah
Penampat Dibatangku
Terakap minter bangku

3.Jujuren Tuhan bujur me
Totonku ibegiNa
Iakap kam adi bage
La kang isampatina?
La pad ape ukur ndele
Ma Bapa si metehsa?
Dibata masangkenca

4.Jujuren Tuhan bujur me
Em kap penalemenku
La duri saja bangku e
Lit rudang pe k’rajangku
Di mesera, megati ka
Lit si ntebu singgurna
Dibata njujurisa

5.Jujuren Tuhan bujur me
Mehuli keranajngku
‘Di picet gia ukurku e
Ije pe lit idongku
Adi tetap man bangku kap
Geluh si rasa lalap
Enggo senang kuakap


  • January 16, 2024
  • Lirik Lagu

O, Bapa kami si ni das


1.O, Bapa kami si ni das
Meriah kami kerina ras
Megi ende-endenNdu jenda
Mesikel ate kami reh
Ku jenda lah kami meteh
Ajaren Tuhan kami enda
Meriah ukur mekelek

2.Ertuah kalak me kepe
Di baNdulah ernalem pinter
K’rajangna gia mesera
‘Di namapat Kam Ia kutera
Sangapna me terakap minter
Riahna la ‘rkeri-kerin
LiasNdu saja man pujin

3.Kam, Bapa, matawari kap
Ras ampang-ampang si tetap
Nerangi ras ‘ngkawali kami
Tah ku tera tah mate pe
La kap melumang la bene
KiniulinNdu seh man kami
‘Di payo lagu kami kin
Janahna tek kataNdu kin


  • January 16, 2024
  • Lirik Lagu

Dibata mekelek mekuah


1.Dibata mekelek mekuah
NgaruhNa banta kurang kin?
Lang! lalap kapen lit nge tuah
Ula dage des ate min!
Lang! arus kita k’rina ‘rsembah
Man Tuhan Dibatanta e
Ateta gel-gel min ermengkah
Man si la lupa banta e

2.Kita enda kai dage gunana
Man Tuhan si mulia e?
IpekenaNa ukurta e
Tah ise si ngapuli aku
Si ‘rbanca ukur nggo dedas?
Kepeken Tuhan Dibatangku
E maka ateku nggo melas

3.E banci kin aku la malang
Ngenehen Tuhan sib age?
TuduhkenNa man bangku dalan
La banci lang kuikutken e
PedahNdu min ncekem ateku
KataNdu siat tengkel min
Kam kukelengi seh mateku
Temanku bali aku kin

4.O, Tuhan, Kam min kuinget rusur
Kam lalap sekawalku e
Tepet min aku ku si bujur
Geluhku k’rina baNdu nge
Teguhlah aku ‘di meriah
Apuilah’di mesera
Makana labo aku mbiar
Tah mate pe la kutera


Blog Archive