PEE NO. 39 “ ERBAHAN DOSA ME BENANA “

PEE NO. 39 “ ERBAHAN DOSA ME BENANA “



1) Erbahan dosa me banana
Ije turahna akap mela
Tapi ‘di la kin sempat jera
Sibagi die enggo cilaka

Reff :
Kai kin si rarang ni Dibata
Man kemelanken si e kerina
Ola perturah biak dosa
Ibas geluhta

2) Kalak si labo meteh mela
Labo i’tehna kai si ceda
Temanna ras kade-kadena
Seh banci juru peng’lakona
Reff :

3) Subuk medanak ‘tah metua
Kalak perpangkat ‘tah perjuma
Adina lit kin meteh mela
Langketi dosa me geluhna
Reff ;

4) Kepeken enggo nai-nai nari
Lit me kap cian bas pertibi
Biak si enda la mehuli
Adi ipajuh ras asuhi
Reff :

5) Kune ‘di lit pekulah-kulah
Min olanai pedekah-dekah
Madin meterlah ia robah
Maka geluhna ‘nggo erpapah
Reff :

6) Adina lit meganjang rukur
Ola min e pejangjang rusur
Madin meterlah min ikusur
Ku si mehuli dingen bujur
Reff :